Surah Nuh Ayat 13 Translation Tafseer

Para 29 - تَبٰرَكَ الَّذِیْ

سورة نوح

Audio PDF

بِسْمِ اللّٰهِ الرَّحْمٰنِ الرَّحِیْمِ

71.13-14

مَا لَكُمْ لَا تَرْجُوْنَ لِلّٰهِ وَقَارًاۚ (13) وَ قَدْ خَلَقَكُمْ اَطْوَارًا(14)

Kanz ul Iman Kanz ul Irfan

کنزالایمان

تمہیں کیا ہوا اللہ سے عزت حاصل کرنے کی امید نہیں کرتے ۔ حالانکہ اس نے تمہیں طرح طرح بنایا۔

تفسیر : ‎صراط الجنان

{مَا لَكُمْ لَا تَرْجُوْنَ لِلّٰهِ وَقَارًا : تمہیں کیا ہواکہ تم اللّٰہ سے عزت کی امید نہیں رکھتے۔} یہاں سے یہ بیان کیا گیا ہے کہ جب حضرت نوح عَلَیْہِ الصَّلٰوۃُ وَالسَّلَام کی طرف سے ترغیب دینے کی بنا ء پربھی ان کی قوم نے نصیحت حاصل نہ کی تو حضرت نوح عَلَیْہِ الصَّلٰوۃُ وَالسَّلَام نے دعوت دینے کا ایک اور انداز اختیار کیا،چنانچہ اس آیت اور ا س کے بعد والی آیت کاخلاصہ یہ ہے کہ حضرت نوح عَلَیْہِ الصَّلٰوۃُ وَالسَّلَام نے اپنی قوم سے فرمایا: ’’تمہیں کیا ہوا ہے کہ تم اللّٰہ تعالیٰ پر ایمان لا کر اس سے عزت حاصل کرنے کی امید نہیں رکھتے حالانکہ اس نے تمہیں کئی حالتوں سے گزار کربنایا کہ پہلے تم نطفہ کی صورت میں ہوئے ،پھر تمہیں خون کا لوتھڑا بنایا،پھر گوشت کا ٹکڑا بنایا یہاں تک کہ ا س نے تمہاری خِلقت کا مل کی، اور تمہارا اپنی تخلیق میں نظر کرنا ایسی چیز ہے جو کہ اللّٰہ تعالیٰ کی خالقِیَّت، قدرت اور اس کی وحدانیَّت پر ایمان لانے کوو اجب کرتی ہے۔( خازن، نوح، تحت الآیۃ: ۱۳-۱۴، ۴ / ۳۱۲-۳۱۳، مدارک، نوح، تحت الآیۃ: ۱۳-۱۴، ص۱۲۸۴، ملتقطاً)

Next Ayat Prev Ayat